發帖者表示自己學習水平不高，但其同學比他更甚；往往老師於課堂時發問，而他又作出任何回應的話，就會遭人話柄，指他「曬命」妒忌他。對於此情況他非常不解－－「差就要認，想變好就要自己努力，何而要妒忌他人？」更何況他本意不是「曬命」，只想好好把握每個學習機會，但怕繼續下去會被人排斥（據我個人理解是這樣），於是就問問大家意見好了。

大部份回覆都是說自己平日上課不論會不會問題，都不會作聲。原因有二，其一，要隱藏實力；實行「扮豬食老虎」政策，令同學們以為自己「無料到」，讓他們鬆散，到考試時一次爆發，殺對手一個措手不及。

其二，正所謂「肥水不流別人田」，明知全班只有你一個知道答案，但你就偏偏不答，反正老師最後都會解決啦。如果說了出來，人家就會得到本來只有「我」所擁有的知識，而「我」會失去優勢 。想想，還是保持沈默為最上策。

少數回覆會答的份子，就表示無謂因他人意見而影響自己上課，更何況如果沒人回答的話，有可能會拖慢教學進度。老師為了等一個答案，虛耗了幾分鐘的教學時間；換言之，自己便少學了幾分鐘的內容。所以，寧願被人指「扮野」、「SHOW OFF」，識，就要答。

(閱讀全文)

最近有人說我老是在說火星話…

果然ACG的世界不是常人能明白呀…

不過先撇開這點，似乎連我平日話說中真正的含意，
都沒人能搞得清楚了。

可能這是我自己的問題。
正如上次跟某小花所說的。

其實我不是個老實的人嘛（笑）。

我承認我有可能是擁有多重性格的人，因此有時性格跟情緒落差比較大。

完全自生自滅，感覺上以家自己自生自滅。

你睇我好。實際係點你知唔知？

掂唔掂、水平有冇下降真係要本人先sense到。
外人好難知道。

我同你地講我有問題你當無野，我同你地講唔掂你當我講笑，我同你地講認真野你當我玩。

反正講咩你地唔多明，索性咩都唔講算。

近排幾乎完全過緊自生自滅o既生活，咁o既局面我都有責任。
不過我已經完全搵唔到一個可以令我拎起本書或者比心機返學上堂o既理由。

反正我都係自生自滅。
就算到時我考衰左，OVERALL都會COVER到，然後變左無野。

唔係我無諗過任何補救方法，但我覺得代價好大。
點解要為一個無肯定把握o既解決方法付出咁多？

你認為咁付出無問題，你以為因為我唔想所以叫你唔好咁做。
實際上我計過條數，發覺咁搞唔多掂；我仲搵過資料比較過。
仲有，我唔想到時衰左你怪我，你賴我；我寧願唔試。
同埋我唔想做敗家女。

寧願到時死左。反正我會留係屋企做蛀米蟲，我知屋企唔係有錢，我唔會亂理。
如果我係YEAH架話，我去左環遊世界啦～我會以家坐係電腦前面慢慢發癲？

唔係我無諗過，我都有我想做o既野，我都有我理想；
但係你地唔會BUY，反正你地最緊就係搵到錢多養到屋企。
我想咁又點，現實唔容許我咁做啵；
呢個都唔係今時今日先知啦，我上年都知咩事。

我以家咩都唔講，唔係因為我懶我唔想；係因為講左出黎，都無咩用。
可以做到o的咩？一齊已成定局。

諗過隨便行住先，不過我真係做唔到。

我日日對住部電腦都唔係好安落；上網MSN玩GAME睇動畫用得幾多時間？
我有五成時間都係係到亂咁逛，你以為我好開心？

有諗過正正經經去做下野，不過真係無原動力去令到我做。Sorry。
結果都係呆住係部腦前面，隨便搵o的野做下。
我都唔係好安落架咋。

每次係我心情最差，就次次都要再搵o的野黎搞。
我已經好煩，真係好煩。煩到想自己一個人玩自閉唔出街見人。

已經唔想返學，返到去又係自生自滅。

聽日又要上ACCT堂，最難挨。
唔知仲可以挨到幾耐。


我諗我都係算啦。
一早預左唔得，係你地以為我得，以為我掂，以為我好過你地。

分數不能代表一齊，名次都係。

表面上好似好掂，你分返開睇返，其實靠拉上補下先搞得掂。
差可以去到好差。

近排一得返自己一個就諗諗諗，諗到頭到爆。

想搵人傾下又發覺無人傾到。
惟有以家對住部電腦。

起碼電腦任我傾任我打都無問題。

三個人一個樣，有冇人睇住呢幅圖諗都唔使諗可以得出佢邊個打邊個呢？

在香港做男人，太悶蛋了。
錢唔好使，女唔夠溫柔，可供發揮的崗位與機會也少得可憐，生存沒有動力，惟有日日打機上網「單撈」鹹碟過日辰。
除非很有錢，否則，以我們的收入，能選擇的衣服品牌與質素，少到喊。日本男生修完眉駁完髮還可以穿上hi-endfashion返office工，我們呢，來來去去那幾個品牌，撞口撞面。
藝人亦如是。倒模似的，徒具外形，一開口，醜態百出。有沒有內涵，一看便知。

1.呢期女神
今期流行的尤物icon，原來，都是千人一面。
A‧JaniceMan:龍友至愛，出親function，大把電車男舉機喪拍，有時我真的忍不住想問，你們真的分得出，眼前人是Janice還是Angelababy？
B‧Angelababy:界力捧，叔叔見到都流口水。以往我分不出她們兩人，但現在分得出了——其中一個，同莎朗史東好似好投契。
C‧Theresa:較多三字頭以上麻甩仔迷戀，連才子倪震都點名力讚，冇人記得佢變身之後究竟唱過咩歌做過咩，但就一定記得佢金髮look同大眼仔con。

2.怪盜二十面相
點解仲未有導演搵佢三個拍推理謀殺案呢？點解推理懸疑片成日都要林嘉欣一人分飾幾角呢？
Janice有日醒，警察拍門捉佢，話佢某年某月殺人，仲有證人，有相為證；Janice開始懷疑自己真係響精神分裂之下有另一個自己殺人都未定，但原來證人認錯係baby，而baby又有不在場證據喎，最後，飾演CIDTheresa，懷疑佢一路追查緊呢單案兇手，其實係佢自己。不過，如果我係編劇，我會安排最後真正兇手出場。
佢就係LenaFujii。

3.大眼仔、金髮、微波與煙視媚行
就像經典的麥兜點菜小故事，ABC餐，其實都一樣。不管我們是電車男、中學生、西裝友、孱弱書生、洗頭仔、車房哥哥抑或紋身壯漢，我們其實都沒甚麼選擇。連女神都沒得選擇的城巿是可憐的，迷上Janice、baby和Theresa都一樣。我們迷上的，不過是那對大眼仔con搭smokyeyes和陶瓷曲金髮。面是誰，卸了妝，究竟還剩下甚麼，我們不敢深究。
太多寂寞的男生，威逼利誘，想把身邊女友改造成她們。染金髮、戴上大眼仔con、黐上假眼睫毛，穿上那些小背心短熱褲或者裙仔，長波襪加布球鞋，夾夾微波，嘟嘴瞇眼。舉起手機的一刻，男人竟有種異樣快感，彷彿，魂牽夢縈的女神，唾手可得，任你擺弄。

4.男人愛芭比
九成男生，小時候都不玩芭比公仔。可我們長大了，卻愛上玩芭比。倒模似的公仔，大眼金髮，手長腳長，給她們穿衣服脫衣服，要她們擺出各種甫士，聽聽話話，好萌，卻又切中男人的征服心理。
這就是那麼多男人痛恨港女的原因。有主見、不聽話、不溫柔、要求多多、付出少少。即使她們空有Janice的外殼，骨子，仍然是那麼保守、倔強。所以，我們才對日本妹充滿fantasy。
女人努力改造男人，是想把他塑造成dreamman，讓自己更愛他；男人努力改造女人，卻是出於征服心理，一旦調校到聽教聽話，就會心思思，想征服其他女人。這，就是男人玩芭比的方法。

我只希望你不要繼續扭曲我的意思。

這實在太惹人討厭。

沒有問題和疑難的人是活的最快樂的。如果閣下心裡沒有任何煩憂的話，那就值得慶賀了。

忽然間，好想喝珍珠奶茶。

忽然間，好想睡覺好。

忽然間，覺得全身乏力。

忽然間，好想逃學。

忽然間，好想以後都是在家裡蹲。

忽然間，我又再沉思。
似乎我在不斷自製一大堆難題給自己慢慢解決。

是的，真的好悲哀。八點十五分準時返學，一點放飯，兩點再上，三點多放學，放學再補課至五點；回家小休一會，做功課，溫書，清理筆記，然後極過疲累，睡覺去。

是的，真的好悲哀。返學等小息，小息等放飯，放飯等打鐘，打鐘等放學。

你不覺得最近我們過著悲哀的生活嗎？我只想重新尋找我生活的目標。

昨晚CMAN來電，問問我VA Portfolio的意見，對於這樣的我，這件事已算是生活中一點小小的安慰了…至少，可以「過下VA癮」；看來，如果要把興趣變成科目和職業，是不明智的選擇。

興趣，還是等我忽然興起，或者久不久，來幹幹，會比較明智。

究竟我的目標是什麼？
我還需要一些東西來fill in the blanks in my life.

另外，本文只代表本人陳某對學校、Ex.3A及4E班的立場，並不能代表所有人的心聲。

還有還有，剛加了背景音樂，是YUI的Thank You My Teens，我覺得這首歌很合今天的主題…（其實沒什麼大關係，只是個人的感覺）

(閱讀全文)